سیرت و تعلیمات امام حسن ع کو معاشرے میں عام کرتے ہوے عملی اقدامات اٹھانے کی ضرورت ہے تاکہ اھلبیت ع کے حقیقی پیروکاروں میں شامل ہو سکیں۔ محترمہ سائرہ ابراھیم

گلگت (ایم ڈبلیو ایم میڈیا سیل )زینب کبری اکیڈمی میں ولادت امام حسن ع کی مناسبت سے جشن اور افطار کا اہتمام کیا گیا جس میں اکیڈمی کی طالبات کے علاوہ اہل علاقہ نے بھی شرکت کی اس جشن سعید سے ایم ڈبلیو ایم شعبہ خواتین کی مرکزی سیکرٹری یوتھ اور سیکرٹری جنرل گلگت ڈویژن محترمہ سائرہ ابراھیم نے خطاب کرتے ہوۓ کہا کہ خداوند تعالیٰ کے لطف و عنایت سے ہم اس مبارک ماہ کے رحمتیں اور برکتیں سمیٹ رہے ہیں۔ روزہ ہمیں صبر و برداشت سکھاتا ہے بھوک اور پیاس کی شدت ہمیں ہمارے معاشرے اور آس پاس نادار و تنگدست لوگوں کا احساس دلاتی ہیں کہ جو غربت کے باعث فاقے کرنے پر مجبور ہیں اور یہی احساس ہم میں معاشرے میں فقیر و نادار طبقے کا دست و بازہ بننے کا جذبہ جگاتا ہے لیکن اگر ہم نے اپنا مقصد فقط بھوکا پیاسا رہنا بنا لیا اور روزے کے حقیقی مفہوم و مقصد کو درک نہ کیا تو حقیقتاً ہماری اس بھوک پیاس نے زحمت کے سوا کچھ نہ دیا۔
سیرت امام حسن ع پر گفتگو کرتے ہوے ان کا کہنا تھا کہ امام حسن مجتبیٰ کے یوم ولادت پر فقط ان کے نام کا دسترخوان سجا لینا کافی نہیں بلکہ ان کی سیرت و تعلیمات کو عام کرتے ہوے معاشرے میں عملی اقدامات اٹھانے کی ضرورت ہے تاکہ اھلبیت علیھم السلام کے حقیقی پیروکاروں میں شمار ہو سکیں۔

About Ali Haider