سرکاری مشینری کے ساتھ ساتھ اب اسمبلی اراکین نے بھی دلالی میں ید طولیٰ حاصل کرلی ہے۔ڈاکٹر علی گوہر

گلگت ( ایم ڈبلیو ایم میڈیا سیل) ناموس فروشی سے متعلق عوامی نمائندوں کا جنسی سیکنڈل پرنٹ اور سوشل میڈیا میں طشت از بام ہوگیا ہے اورعوامی حق رائے دہی سے منتخب ہونے والے یہ اراکین نہ معلوم کتنی ایسی گھناؤنی سازشوں کا ارتکاب کررہے ہونگے جو عوام کی نظروں سے ابھی تک پوشیدہ ہیں۔
مجلس وحدت مسلمین گلگت بلتستان کے ڈپٹی سیکرٹری جنرل ڈاکٹر علی گوہر نے کہا ہے کہ ایسا گھناؤنا کاروبار ایسے ہی بے ضمیر اور قوم فروش (بڑوں) کے سائے میں پروان چڑھ رہا ہے اور پورے علاقے کی عزت مغربی ثقافتی یلغا ر میں بہہ رہی ہے اور کتنے بے غیرت ” ثقافت پرست” مفاد حاصل کررہے ہیں ور ان (بڑوں) تک کتنے دلال لوگوں کی بہو بیٹیوں کو سپلائے کرتے ہونگے۔لہٰذا عدل،انصاف،غیرت اور علاقے کے عوام کی اسلام پسندی کا تقاضا یہ ہے کہ حکومت لیت و لعل سے کام لینے اور مقامی اخبارات کی سانس تک کو روکنے کی بجائے عادل،باضمیر اور قابل لوگوں پر مشتمل کمیٹی بناکر فوری انکوائری کی جائے اور حقائق کو گلگت بلتستان کے عوام کے سامنے لایا جائے۔انہوں نے کہا کہ ان ناموس فروشوں کا جرم ناقابل معافی ہے لہٰذا ان کی اسمبلی / کونسل رکنیت فوری طور پر ختم کرکے عمر بھر کیلئے انہیں رسوا کیا جائے تاکہ آئندہ کسی کو اس قسم کے جرم کے ارتکاب کی جرات نہ ہوسکے۔انہوں نے کہا کہ سرکاری مشینری کے ساتھ ساتھ اب اسمبلی اراکین نے بھی دلالی میں ید طولیٰ حاصل کرلی ہے اور ان غیر اخلاقی حرکات کے مرتکب وہی افراد ہوسکتے ہیں جن کا اپنا کوئی حسب نسب نہیں۔وزیر اعلیٰ گلگت بلتستان محض ایک تحقیقاتی کمیٹی تشکیل دیکر اس گھناؤنے جرم کے مرتکب اپنے پیاروں کے کرتوتوں پر پردہ ڈالنا چاہتے ہیں ۔

About مجلس وحدت مسلمین گلگت بلتستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے

ایک تبصرہ

آپ کا ای میل ایڈریس شائع نہیں کیا جائے گا.